"Қарттарым- асыл қазынам" қарттар күніне арналған тақырыптық күн өткізілді.

05.10.2026

«Қарттарым – асыл қазынам» тақырыптық күні

Қарттар күніне орай «Болашақ» бөбекжайында «Қарттарым – асыл қазынам» атты тақырыптық күн ұйымдастырылып, тәрбиеленушілерге аға ұрпақтың өмірлік тәжірибесі мен өнегесін құрметтеу, үлкенді сыйлау, ізет көрсету құндылықтарын дәріптеуге бағытталған тәрбиелік іс-шаралар өткізілді.

Тақырыптық күн барысында балаларға Қарттар күні туралы түсінік беріліп, ата-әжелердің отбасы мен қоғамдағы орны жайлы әңгімелер жүргізілді. «Қариясы бар үй – қазыналы үй», «Әжемнің ертегісі», «Атадан – өсиет, анадан – қасиет» тақырыптарында танымдық әңгімелер мен түрлі ойындар ұйымдастырылды.

Тәрбиеленушілер ата-әжелеріне арнап жүрекжарды тілектерін айтып, тақпақтар оқып, ән айтып, би билеп, өз өнерлерін көрсетті. Балалар үлкендерге құрмет көрсетудің қарапайым үлгілерін ойындар мен шығармашылық тапсырмалар арқылы меңгерді.

Сонымен қатар тәрбиеленушілер «Менің сүйікті атам мен әжем» тақырыбында суреттер салып, өз қолдарымен жасаған шағын сыйлықтары мен құттықтау ашықхаттарын ұсынды.

Іс-шара барысында балаларға «Үлкенге құрмет – кішіге ізет» қағидасының мәні түсіндіріліп, отбасылық құндылықтарды дәріптеуге ерекше көңіл бөлінді.

Тақырыптық күн соңында балалар қарт адамдарға деген сүйіспеншілік пен құрметтің бір күнмен шектелмейтінін, үлкендерге әрдайым қамқорлық жасап, жылы сөз айтып, көмектесу керектігін түсінді.

«Қарттарым – асыл қазынам,
Ақыл айтқан дархан далам.
Үлкендерді сыйлай білсек,
Көркейеді біздің қоғам!»

Осындай мазмұнды іс-шаралар арқылы бүлдіршіндердің бойына үлкенді сыйлау, кішіге қамқор болу, мейірімділік, ізеттілік және адамгершілік қасиеттер қалыптастырылды.