КП тақырыбы:"Баланың балабақшаға бейімделуі: ата- ана нені білуі керек?" психолог Идрисова К.Г.

«Баланың балабақшаға бейімделуі: ата-ана нені білуі керек?» кеңес

«Құрметті ата-ана!

Баланың балабақшаға баруы – оның өміріндегі маңызды өзгерістердің бірі. Бала үшін жаңа орта, жаңа адамдар, жаңа күн тәртібі және ата-анадан уақытша бөліну бастапқы кезде қиындық тудыруы мүмкін.

Бейімделу кезеңінде баланың жылауы, анасына немесе әкесіне жабысып қалуы, тұйықталуы, ашулануы, үйдегі әдеттегі мінез-құлқының өзгеруі байқалуы мүмкін. Бұл – баланың жаңа ортаға үйрену процесінің бір бөлігі.

Әр баланың балабақшаға бейімделу уақыты әртүрлі. Сондықтан балаға түсіністікпен қарап, асықтырмай, біртіндеп қолдау көрсету маңызды.

БАЛАБАҚШАҒА БАРМАС БҰРЫН

Баламен балабақша туралы жағымды сөйлесіңіз

          «Балабақшада сен ойыншықтармен ойнайсың»,

«Балалармен бірге боласың»,.

Балабақшамен қорқытпаңыз:

«Тыңдамасаң, балабақшаға апарып тастаймын».

Бұл баланың балабақшаны қауіп ретінде қабылдауына әкелуі мүмкін.

 БАЛАБАҚШАНЫ ОЙЫН АРҚЫЛЫ ТҮСІНДІРІҢІЗ

Үйде «Балабақша» ойынын ойнаңыз.

Қуыршақ балабақшаға келеді.

— Сау бол, балам! Мен сені кейін алып кетемін.

— Сәлем! Кел, бірге ойнайық.

— Сәлем!

Содан кейін қуыршақ ойнайды, тамақтанады, ұйықтайды және ата-анасы оны алып кетеді. Бұл ойын балаға балабақшадағы күн тәртібін алдын ала түсінуге көмектеседі.

КҮН ТӘРТІБІН ҚАЛЫПТАСТЫРЫҢЫЗ

Балабақшаға дейін:

Бала күн тәртібін алдын ала білсе, жаңа ортаға бейімделуі жеңілдейді.

          БАЛАБАҚШАҒА БАРҒАН КЕЗДЕ ҚОШТАСУДЫ ҰЗАРТПАҢЫЗ

Баламен қоштасу қысқа, жылы және сенімді болғаны дұрыс.

Мысалы: «Мен сені жақсы көремін. Сен қазір балабақшада боласың. Мен сені түстен кейін алып кетемін. Сау бол!»

Содан кейін баланы тәрбиешіге сенімді түрде тапсырыңыз.

Бала жылаған кезде қайта-қайта қоштасып, кетіп қайта келу оның алаңдауын күшейтуі мүмкін.

 БАЛА ЖЫЛАСА – ҰРСПАҢЫЗ

«Сен үлкен бала емессің бе?»

«Басқа балалар жыламайды!»

деген сөздерден аулақ болған жөн.

Оның орнына:

«Саған қазір қиын болып тұр».

«Сен мені сағынып тұрсың».

«Мен сені түсінемін».

«Сен қауіпсіз жердесің».

«Мен міндетті түрде келемін».

деп қолдау көрсетіңіз.

ҮЙГЕ КЕЛГЕН СОҢ

Балабақшадан келгенде баланы бірден көптеген сұрақпен шаршатпаңыз.

«Не істедің?»

«Кіммен ойнадың?»

«Жыладың ба?»

«Тамақ іштің бе?» деген сұрақтарды қатарынан қоймаған жөн.

Алдымен балаға тынығуға мүмкіндік беріңіз.

«Бүгін саған не ұнады?»

«Қай ойыншықпен ойнадың?»

сияқты жеңіл сұрақ қойыңыз.

Бала жауап бермесе, қинамаңыз.

 БАЛАНЫ МАҚТАУДЫ ҰМЫТПАҢЫЗ

«Жарайсың!» дегеннен гөрі нақты әрекетін мадақтаңыз:

«Сен бүгін өзің аяқ киіміңді шештің».

«Сен тәрбиешіге қол бұлғап қоштастың».

«Сен досыңмен бірге ойнадың».

«Сен көмек сұрадың».

Бұл балаға өзінің қандай әрекеті дұрыс болғанын түсінуге көмектеседі.